დროის ნებისმიერ მომენტში ჩვენ ვიმყოფებით ამ 4 ფსიქო-ემოციური მდგომარეობიდან ერთ-ერთში:

• ნეგატიური სპირალი
• არსებული რეალობის მახე
• სტრესი და მღელვარება
• ნაკადის მდგომარეობა

ვრცლად წაიკითხეთ სტატიაში.

რა განაპირობებს წარმატებას და წინსვლას ცხოვრებაში? რა განაპირობებს ბედნიერების და თვითრეალიზებულობის ხარისხს?

უპირველესი და მთავარი - თუ ვინ ვართ, როგორია ჩვენი პიროვნული სიძლიერის და განვითარების დონე.

ამაზე და კიდევ სხვა საინტერესო საკითხებზე ვისაუბრეთ 8 ივნისს ევროპის უნივერსიტეტის სტუდენტებთან გამართულ მასტერკლასზე.

ინტერესი და ჩართულობა სტუდენტების მხრიდან იმის მანიშნებელია, რომ ისინი ხედავენ ამ თემის აქტუალობას და არიან გახსნილები ახალი ინფორმაციის მისაღებად და განსხვავებული გაცნობიერებების მოსახდენად. ეს ყველასთვის იმედისმომცემი და ინსპირაციულია.

მათ აქვთ და არ აქვთ ყველაფერი იმისთვის, რომ გახდნენ საკუთარი ცხოვრების შემოქმედები. მათ აქვთ ცნობისმოყვარეობა, ინტერესი, მიმღებლობა, გახსნილი და ნათელი გონება, ორიგინალური და კრეატიული აზროვნება, მამოძრავებელი რესურსი და, რაც მთავარია, მხურვალე გული.

სასურველ ცხოვრებას რომ ვამბობ, ვგულისხმობ საოცნებო, მდიდრულ, წარმატებულ, ჰარმონიულ, ჯადოსნურ ცხოვრებას, რომელსაც მე დიდებულს ვუწოდებ. ყველა ჩვენგანს გვინდა ეს, განსხვავება მხოლოდ იმაშია ეს რეალურად განხორციელებადი გვგონია თუ არა.